Қостанай тұрғыны қарындасының басын кесіп тастады

None
None
ҚОСТАНАЙ. ҚазАқпарат - Қостанай облысында бірлесіп ішімдік ішудің соңы кісі өліміне алып келді, деп хабарлайды ҚазАқпарат.

Жергілікті «Айна» аудандық газеті жазғандай, қайғылы оқиға былтыр 25 желтоқсанда болған. Қарабалық ауданына қарасты Славен ауылының  29 жастағы тұрғыны немере қарындасымен бірге спирттік ішімдік ішкен. Алкогольге сылқия тойған екеуінің арасында ұрыс-керіс басталған. Салдарынан ер адам қарындасына пышақпен бірнеше мәрте соққы жасаған. Одан кейін құрбанының басын кесіп алып, жанып жатқан пештің ішіне лақтырып жіберген. Ал денесін жерқоймаға жасырған.

Қарабалық аудандық ішкі істер бөліміне Славен ауылының тұрғыны хабарласып, осы ауылда тұратын 45 жастағы әйелдің мәйіті табылғандығы туралы хабарлаған.

«Аталған факті бойынша 29 жастағы күдікті тергеу абақтысына жеткізілді. ҚР ҚК 99-бабы, 2-бөлігімен сотқа дейінгі тергеу шаралары жүргізілуде. Сараптамалар тағайындалды», - делінген облыстық ІІД баспасөз қызметінің хабарламасында.

Соңғы жаңалықтар