19:02, 07 Қазан 2016 | GMT +6
Қостанай облысында 300 мың теңге пара алған шенеунік ұсталды
АСТАНА. ҚазАқпарат - Сыбайлас жемқорлыққа қарсы іс-қимылдар ұлттық бюросының Қостанай облысы бойынша департаменті Қарабалық ауданы әкімдігінің сәулет және қала құрылысы бөлімінің басшысы Б.Сисеновты ұстады.
«Оңай жолмен ақша таппақ болған Б. Сисенов аудан аумағындағы 3 құрылыс нысанын қолданысқа беру актілерін тіркеуі үшін жеке кәсіпкерден 300 000 теңге көлемінде пара алған.
Лауазымды тұлға Рудный қ. ІІБ уақытша ұстау оқшаулағышына қамалды. Сотқа дейінгі тергеу амалдары жүргізіліп жатыр», - деп хабарлады Ұлттық бюроның баспасөз қызметінен.