Қолданушы баптаулары
Қолданушы баптаулары
+7 (701) 759 90 19 Лента
Астана: -27 °С
Алматы: -12 °С
USD 327.10 EUR 400.53
RUB 5.78 CNY 50.84
Жаңалықтар

Латын әліпбиі дүниежүзіндегі 5 млн астам қазақтың бірігуіне ықпал етеді - Бекнұр Қисықов

2017 жылғы 14 қыркүйек 14:17 1895
Поделиться:
Латын әліпбиі дүниежүзіндегі 5 млн астам қазақтың бірігуіне ықпал етеді - Бекнұр Қисықов

  АЛМАТЫ. ҚазАқпарат - Бүгін Алматы қалалық Қоғамдық кеңесі қазақ тілінің латын әліпбиіне көшуі туралы жиын өткізді.

Алқалы жиынға қаладағы зиялы қауым өкілдері, мұғалімдер, экономист, филолог мамандар, қоғамдық кеңес мүшелері қатысты. 

Отырыста кеңес мүшелері аталған жаңалыққа қатысты өз пікірлерін білдірді.

Экономист мамандар қазақ әліпбиінің латын графикасына көшуінің экономикалық тұрғыдан талқыласа, филолог мамандар қазақ тілінің шұрайлылығын қалай сақтап қалу керектігін тілге тиек. етті.

Сонымен қатар ІТ саласының мамандары да латын әліпбиіне көшудің қазақ тілін әлемдік коммуникацияға енуіне қандай ықпал ететіндігін жеткізді. 

Қоғам қайраткері, жазушы Бекнұр Қисықовтың айтуынша, латын қарпіне көшкенде ең алдымен заманауи модельді таңдауымыз керек.

«Әлемде 2,5 млрд адам ағылшын тілінде сөйлейді. Ағылшын тілінде 26 әріп бар, онда транскрипция көп рөл ойнайды. Бұл болашақтың талабы. Онсыз даму жоқ. Сондықтан бізге де латын әліпбиінің  qwerty версиясына көшу керек. Өйткені қазір әлемде интернет базасы үлкен рөл ойнайды. Интернеттегі барлық кодтар, хостингтер барлығы латын қарпімен белгіленеді. Әлем қазір интернетпен өмір сүріп жатыр», - деді Б.Қисықов.

Филолог маман Парламент тыңдауында ұсынылған латын әліпбиінің нұсқасын әлі де зерттей түсу керек деп санайды.

«Диакритика, диграф арқылы латын қарпіне көшу қиын болады. Өйткені немістердің өзі әліпбиін қалыптастыруға 100 жыл уақыт жіберген. Бұл біз үшін өте ұзақ уақыт», - деді Б.Қисықов.

 Оның айтуынша, латын әліпбиі дүниежүзіндегі 5 млн астам қазақтың бірігуіне ықпал етеді.

«Сырттағы 5 млн қазағымыз, төте жазуды қолданатын Қытайдағы қандастарымызды қоспағанда латын әліпбиін пайдаланады. Латын әліпбиі - дүниежүзі қазақтарының интеграцияланып, қарым-қатынасын күшейтетін фактор», - деді ол.

Айта кетейік, ҚР Президенті Нұрсұлтан Назарбаевтың «Болашаққа бағдар: рухани жаңғыру» бағдарламалық мақаласын жүзеге асыру аясында Парламент тыңдауында қазақ тілінің латын графикасындағы әліпби жобасы ұсынылған болатын.

11 қыркүйекте Мемлекет басшысының назарына алғашқы латын әліпбиінің нұсқасы көрсетілді. Мемлекет басшысы диграфтық таңбалау арқылы жасалған әліпбиді қайтадан қоғам талқысына жіберген еді. 


Бөлісіңіз:

Автор:

Гүлмира Ғосманәли

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Жарылқасын Саягүл
Жарылқасын Саягүл
954-059
Редактор
Айдар Оспаналиев
Айдар Оспаналиев
954-059
Мұрағат