Кішкентай қыздың мұрнын жұлып алған ер адам екі рет сотталған

ТАЛДЫҚОРҒАН. ҚазАқпарат - Алматы облысында 3 жастағы қызды аяусыз тістелеп, мұрнын жұлып алған адам екі рет істі болған. Ол зорлау және қарақшылық қылмысы үшін жауапкершілікке тартылған, деп хабарлайды ҚазАқпарат тілшісі.

Күдіктінің 2005 және 2013 жылдары  істі болғандығы жөнінде ҚазАқпарат тілшісіне облыстық ІІД баспасөз қызметі мәлім етті.

Сұмдық оқиға болған сәтте анасы үйінде болмаған.

Естеріңізге сала кетейік, бұған дейін Талғар ауданында 3 жастағы қызды өзінің өгей әкесі аяусыз тістелеп, мұрнын жұлып алғандығы жөнінде хабарлаған болатынбыз. Қазір аталған факті бойынша тергеу жалғасуда. Алайда күдікті қолхатпен бостандыққа жіберілген. Қылмыстық  іс облыстық ІІД Анықтау басқармасының қатаң бақылауда.