11:29, 22 Қараша 2017 | GMT +6
КХДР-ға рейс жасайтын жалғыз әуе компаниясы ұшуын тоқтатты
АСТАНА. ҚазАқпарат - Солтүстік Кореяға рейс жасайтын жалғыз әуе тасымалдаушысы - Air China әуе компаниясы әуе қатынасын уақытша тоқтататынын мәлімдеді.
Қытай мемлекеттік әуе компаниясы өкілдерінің айтуынша, бұған сұраныстың жеткіліксіздігі себеп болған, деп жазады The Associated Press .
Бейжіңнің бұл шешімі КХДР-ның сыртқы әлемнен бұрынғысынан да бетер оқшаулануына әкеп соқтырды. Еске сала кетсек, ресми Пхеньянның ядролық және зымыран бағдарламаларын тоқтатпауына байланысты БҰҰ бірқатар санкциялар жариялаған болатын.