Керіктерге жер бетінен жойылып кету қаупі төніп тұр

АСТАНА. ҚазАқпарат - Керіктерге жер бетінен жойылып кету қаупі төніп тұр. Халықаралық табиғатты қорғау одағы осылай деп дабыл қағып отыр, деп жазады «Хабар 24».

Соңғы 30 жылда әлемде бұл жануарлардың саны 40%-ға қысқарған. Мамандар «оның басты себебі - сұғанақ аңшылық пен ауыл шаруашылықтың дамуы» дейді.

Сондай-ақ керіктер санының күрт азаюына Африка құрлығындағы қақтығыстар да өз кесірін тигізген. Осы ретте керіктердің Қызыл кітаптағы мәртебесі де өзгертілді.