Келешекте бухгалтерлер қажетсіз болуы мүмкін

АСТАНА. ҚазАқпарат - Бухгалтер мамандығы біртіндеп рыноктан кетеді. Ресей қаржы министрінің орынбасары Татьяна Нестеренко осындай болжам жасады. Оның сөзін Ресей ақпарат құралдары келтіреді, деп хабарлады egemen.kz.

«Қазіргі қалпындағы бухгалтер мамандығы нарықтан кететін болады. Ол мамандықты технологиялар ауыстырады» деді Нестеренко.

Оның айтуынша, қағаз құжаттардан толықтай бас тарту керек. Ал, электронды жүйе жасаған кезде бұл құжаттарға клавиатурадан өзгерістер енгізу мүмкіндігі барынша шектелуі тиіс.