Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 9 °С
USD 326.17 EUR 401.25
RUB 5.31 CNY 51.84
Жаңалықтар

Қазақстанның Қарулы Күштері Әскери парадқа дайындықты бастады

2018 жылғы 17 сәуір 14:20 363
Бөлісіңіз:
Қазақстанның Қарулы Күштері Әскери парадқа дайындықты бастады

АСТАНА. ҚазАқпарат - Қазақстанның Қарулы Күштерінде Әскери парадқа дайындық басталды, деп хабарлайды ҚазАқпарат ҚР Қорғаныс министрлігінің баспасөз қызметіне сілтеме жасап.

Ұқсас жаңалықтар
Ресейде 76 жыл бұрын опат болған қазақ жауынгерінің сүйегі табылды Семейлік сарбаздар қанды оқиға болған жол бойында кезекшілік атқаруда

«Қазіргі таңда «Отар» 40-шы әскери база аумағында Қазақстан Республикасы Қарулы Күштерінің әскери бөлімдері мен құрылымдарының жеке құрамы мен әскери техникасы жиналып жатыр», - делінген ведомствоның хабарламасында.

Әскери бөлімдер Отан қорғаушылар күнін мерекелеу қарсаңында «Матыбұлақ» полигонында ҚР Қарулы күштерінің жабдықталған қазіргі заманғы қару-жарақтары мен әскери техникасын тактикалық және практикалық қолданылуы барысында өз шеберліктерін көрсетеді.

Психологиялық және әскери дайындығы тұрғысынан ең жақсы дайындалған әскери қызметшілерді іріктеу жер-жерлердегі пункттерде жүзеге асырылды.

Жаттығу барысында салтанатты қораптарды орналастыру реті жасалып, парадқа қатысушылардың құттықтау элементтері іріктелді, ту алып өту, сондай-ақ жеке құрамның салтанатты маршпен жүру тәртібі анықталды. Парадқа дайындықты қамтамасыз ету үшін тұруға қажетті барлық жағдайлары бар лагерлер тігілді.

2018 жылы Әскери парадқа 3 мың әскери қызметші, 300-ден астам қару-жарақ пен әскери техника, 30 ұшақ қатыстырылады. 

Еске сала кетсек, 2013 жылы «Отар» 40-шы әскери базасында Қазақстан Қарулы Күштері тарихында алғаш рет әскери парад өткен болатын. Шараға Қазақстан Президенті - ҚР Қарулы Күштерінің Жоғарғы Бас Қолбасшысы Нұрсұлтан Назарбаев қатысты. 

 

 


Бөлісіңіз:
Онлайн қызметкерлер
Редактор
Кожакелдиев Е.
Кожакелдиев Е.
954-059
Мұрағат