Қазақстанның бірқатар аймақтарында сенбі күні жел күшейеді

АСТАНА. ҚазАқпарат - Сенбі күні Қазақстаның басым бөлігіндегі ауа райын антициклон айқындайтын болады. Негізінен елдің басым бөлігінде қар жаумайды, батыс, солтүстік-батыс және елдің солтүстігіне қар түсуі мүмкін. Республика бойынша бірқатар аймақтарда тұман түсіп, батыс пен отүстік-батыста жел күшейіп, кей жерлерде борандатады, деп хабарлайды «Қазгидромет» РМК.

Алматы облысының кейбір аймақтарына тұман түсіп, Жалаңашкөл ауданы аймағында желдің күші секундына 20-25 метрге дейін жетеді.

Ақтөбе, Атырау облыстарының бірқатар аумағында секундына 15-20 метр жылдамдықпен жел соғады, Ақтөбе облысында тұман түседі.

Қызылорда, Маңғыстау облыстарының кей жерлерінде тұман түсіп, желдің жылдамдығы секундына 15-20 метрге жетеді.

Оңтүстік Қазақстан облысында күндіз желдің жылдамдығы 15-20 метрге жетеді.

Ақмола, Жамбыл, Батыс Қазақстан, Қостанай, Солтүстік Қазақстан, Павлодар, Қарағанды түнде және таң ата Шығыс Қазақстан облыстарында тұман түседі.