Ауа райы
Астана 0 °С
Алматы 6 °С
валюта бағамы
USD 330.29
EUR 387.27
RUB 5.56
CNY 49.80

Қазақстандықтар Париждегі «Ле Бурже» авиасалонына қатысуда

Қазақстандықтар Париждегі «Ле Бурже» авиасалонына қатысуда
2017 жылғы 20 маусым 17:17 1125

АСТАНА. ҚазАқпарат - Қорғаныс және аэроғарыш өнеркәсібі министрлігінің делегациясы вице-министр Марат Нұрғожиннің басшылығымен Францияға жұмыс сапармен барып, париждік «Ле Бурже-2017» авиасалонына қатысуда, деп хабарлады «ҚазАқпарат» ХАА тілшісі.

Министрліктің баспасөз қызметінің ақпаратына сәйкес қазақстандық делегация қорғаныс және аэроғарыш өнеркәсібі саласындағы ынтымақтастық бойынша әріптестермен бірқатар кездесулер мен келіссөздер өткізеді.

Авиасалон жұмысының бірінші күні М. Нұрғожин Франция ұлттық ғарыштық зертеу орталығының (CNES) вице-президенті Штайнберг мырзамен ынтымақтастық мәселелерін талқылады.

Қазақстандықтар Париждегі «Ле Бурже» авиасалонына қатысуда

Сондай-ақ 52-ші авиасалонға ҚР Президентінің кеңесшісі, Францияның Құрметті легионы орденінің офицері, ұшқыш-ғарышкер Талғат Мұсабаев шақыртылды.

«8 жыл бұрын, 2009 жылғы 17 маусымда Ле Буржеде халықаралық көрме аясында ғарыш саласындағы ынтымақтастық бойынша Франция мен Қазақстан арасындағы алғашқы құжатқа қол қойылды», - деді Талғат Мұсабаев.

Осы күні «Қазақстан Ғарыш сапары» ҰК» АҚ мен француздық «EADS-Astrium» жетекші компаниясы Астанада салынып жатқан ғарыш аппараттарын жинақтау-сынақтан өткізу кешенінің эскиздік жобалауына арналған келісімшартты жасасты.

 

 

Басты сөздер: Ғарыш, ҚР Қорғаныс және аэроғарыш өнеркәсібі министрлігі, Әскери ынтымақтастық,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер