«Қазақстандық өнім жасаймыз» форумы отандық 70 компанияның басын қосты
Іс-шара ҚР Инвестициялар және даму министрлігі, «KazakhmysHolding» ЖШС, «Еуразиялық Топ» ЖШС, «KazZinc» ЖШС, KAZ Minerals Тобы және «Қазақалтын» ТКМК» АҚ-ның қолдауымен өткізілуде. Іс-шара ұйымдастырушыларының атап өтуінше, форумды шараны ТКМК компанияларының қатысуымен өткізу отандық тауар өндірушілерімен ынтымақтасуға мүмкіндік береді. Сондай-ақ, форум энергия тиімділігін ұлғайту және жеткізілетін өнімнің өзіндік құнын төмендетуге арналған жаңа шешімдермен және жобалармен таныстыруға жол ашады.
«Тау-кен металлургиялық кешен Қазақстан экономикасының бәсекеге қабілетті және қарқынды дамып келе жатқан секторларының бірі болып табылады. Осы өнеркәсіп саласында 100-ге тарта ірі және орта кәсіпорын қызметін жүргізуде. Аталған кәсіпорындар көлік жасау, химиялық және жеңіл өнеркәсіп, құрылыс материалдарын өндіру сынды басқа салалардағы әлеуетті жеткізушілерді едәуір тапсырыс көлемімен қамтамасыз етеді. Мәселен, тау-кен кешеніндегі жер қойнауын пайдаланушылар және жүйе түзуші кәсіпорындар отандық өндірушілерден 995,7 млрд теңгеге тең жалпы сомаға тауарлар, жұмыстар мен қызметтерді сатып алған. Бұл жалпы сатып алудың 43,5%-ын құрайды. Басқаша айтқанда, отандық өндірушілер үшін ішкі нарықта үлкен әлеует және өндіріс көлемін ұлғайту үшін кең мүмкіндіктер бар», - дейді ҚР Инвестициялар және даму жөніндегі бірінші вице-министрі Алик Айдарбаев.
Жиын соңында форум ұйымдастырушылары - «Kazakhmys Holding» ЖШС, «Еуразиялық Топ» ЖШС, «KazZinc» ЖШС, KAZ Minerals Тобы және «Қазақалтын» ТКМК» АҚ топ-менеджменті жергілікті мазмұнды дамыту аясында өзара ынтымақтасу жөнінде меморандумға қол қоймақ. Меморандум тараптардың тауарлар, жұмыстар мен қызметтерді сатып алу кезіндегі жергілікті мазмұнды дамыту аясындағы ынтымақтастығын кеңейтіп, қатынасын нығайтуды көздейді.
