Қазақстандық қыздарды шетелде жыныстық құлдыққа салмақ болған оңтүстіккорейлік ұсталды

АСТАНА. ҚазАқпарат - Қазақстандық қыздарды шетелде жыныстық құлдыққа салмақ болған оңтүстіккорейлік ұсталды. Бұл туралы бүгін брифинг барысында ҚР Ішкі істер министрлігі Мемлекеттік тіл және ақпарат департаментінің директоры Алмас Садубаев айтты, деп хабарлайды ҚазАқпарат.

«Астана қалалық ІІД-нің Ұйымдасқан қылмыспен күрес басқармасы қызметкерлерінің жедел жұмыстарының нәтижесінде елордада Оңтүстік Кореяның 1 азаматы мен Қазақстанның 2 азаматы ұсталды. Олар қыздарды алдап, кейіннен жыныстық құлдыққа салу үшін шетелге жіберумен айналысқан. Шетелдік қылмыстық топтың серкесі болып шықты», - деді Алмас Садубаев.