19:58, 22 Ақпан 2017 | GMT +6
Қазақстандық боксшы қыздың қарсыласы анықталды
АСТАНА. ҚазАқпарат - Кәсіпқой бокста өнер көрсетіп жүрген қазақстандық боксшы қыз Фируза Шарипованың қарсыласы белгілі болды, деп хабарлайды ҚазАқпарат тілшісі.
Ол алдағы өтетін жекпе-жегінде ресейлік боксшы Юлия Чернобородовамен жұдырықтасады. 22 жастағы Юлий ақпан айында Ресейдің Орталық федералды округының "алтын" жүлдесін жеңіп алған. Ол жас әрі талантты боксшылардың бірі.
Қос боксшы арасындағы айқас 4 наурыз күні Мәскеуде өтеді. Қазіргі уақытта Фируза Шарипова Флойд Мейвезердің бокс академиясында жаттығу жасап жатыр.