Қазақстандық 9 жасар биші қыз Гонконгтегі чемпионатта топ жарды

БЕЙЖІҢ-ГОНКОНГ. ҚазАқпарат  - Қазақстандық Әмір Қабазиева Гонконгте 30 сәуірде  биден  өткен төртінші жылсайынғы ашық чемпионаттың ең күшті қатысушысы атанды, деп хабарлайды Бейжіңдегі «ҚазАқпарат» ХАА меншікті тілшісі.

Жарысты халықаралық би қауымдастығы  (Multi (International) Dancing Association) ұйымдастырды, оған 10 елден 250-ден астам биші қатысты.

Небәрі 9 жастағы Әмір Қабазиева латынамерикалық биден (жеке және жұп)  бірінші орын алды, сондай-ақ «Чемпионаттың үздік шетелдік қатысушысы» аталымына лайық деп табылды.

 Бейжіңде ол бір жарым жылдан бер бал билері үйірмесіне барады. Ал бұған дейін Қазақстанда Алма Сағадиеваның жетекшілігімен «Көбелек» ансамлінде шығыс және әлем халықтары билерімен шұғылданған болатын.