Ауа райы
Астана 24 °С
Алматы 21 °С
валюта бағамы
USD 326.88
EUR 364.90
RUB 5.47
CNY 47.85

Қазақстанда сотқа дейінгі реттеудің жаңа институты пайда болады

Қазақстанда сотқа дейінгі реттеудің жаңа институты пайда болады
2017 жылғы 20 маусым 19:33 291

АСТАНА. ҚазАқпарат - 2017 жылдың 1 шілдесінен бастап ҚР Қаржы министрлігі жанында, салықтық (кедендік) тексерулерге шағымдарды қарастырумен айналысатын Апелляциялық комиссия құрылады.

ҚР ҚМ Баспасөз қызметінің хабарлауынша, апелляциялық комиссия құрамына мемлекеттік органдар өкілдері және «Атамекен» ҚР ҰКП өкілдері кіреді. Осылайша салықтық және кедендік дауларды сотқа дейін жоюға жол беретін, сотқа дейінгі реттеу институты пайда болады.

Қазіргі уақытта салықтық және кедендік текерулер нәтижелері туралы хабарламаға және камералды кедендік тексеру нәтижелері бойынша бұзушылықтарды жою туралы шағымдармен Мемлекеттік кірістер комитеті (МКК) айналысады.

Өткен жылдың қараша айында ҚР Салық және Кеден кодекстеріне салықтық және кедендік тексерулер нәтижелері бойынша салықтық және кедендік дауларды апелляциялық реттеу бөлігінде түзетулер енгізілді, оларға сәйкес 2017 жылғы 1 шілдесінен бастап осындай шағымдарды қарастырумен ҚР Қаржы министрлігі айналысады. Осыған байланысты Қаржымині жанында Апелляциялық комиссия құрылады.

Министрліктің түсіндіруінше, енгізілетін өзгертулер салықтық (кедендік) тексерулерге шағымдану тәртібіне қатысты. Сәйкесінше, аталған өзгертулерге, оларға қатысты тексерулер жүргізілген және аталған тексерулер бойынша хабарламалар сотқа дейінгі тәртіпте шағым берілетін, салық төлеушілер және (немесе) сыртқы экономикалық қызмет қатысушылары (яғни жеке тұлғалар да, заңды тұлғалар да) тап болады.

Енгізілетін өзгертулер жалпы бюджетке елеулі әсер етпейді деп болжануда, себебі осы жағдайда, салықтардың бюджетке түсу сомаларының өзгеруіне әкелетін, салықтар ставкаларының өзеруі немесе салықтық (кедендік) әкімшілендіру өзеруі туралы сөз қозғалып жатқан жоқ. Енгізілетін жаңартулар шағым қарастыру тәртібін ғана өзгертеді, яғни шағымдарды қарастыру ресімі өзгереді. Бұл ретте шағымдарды қарастыру рәсімі 2017 жылдың 1 шілдесіне дейін де қолданылады.

Апелляциялық комиссия мүшелері қызметін іске асыру кезінде дау қатысушылары - тараптар мүдделеріне алалықсыздық және бірдей қатынас қамтамасыз етілетіні күтілуде. Олар іске әділ және даудың аяқталу нәтижелерінде ынталылықсыз, оны заң аясында қарайды.

Салықтар, кедендік және басқа да бюджетке төленетін міндетті төлемдердің түсуінқамтамасыз ету мәселелеріне жетекшілік ететін қаржы вице-министрі Апелляциялық комиссия төрағасы болып табылады.

Шағым сұрақтары бойынша шешім отырысқа қатысушылардың қарапайым көпшілік дауысымен ашық дауыс берумен қабылданады. Дауыстар тең болған жағдайда комиссия төрағасы дауыс берген шешім қабылданды деп есептеледі.

Бұл ретте, Салық және Кеден кодекстерінің ережелеріне сәйкес уәкілетті органмен (Қаржы министрлігі) шағым бойынша дәлелді шешім Апелляциялық комиссия шешімін екере отырып шығарылады.

Пікір қалдыру

Соңғы Пiкiрлер