Қазақстанда сәрсенбі күні ауа райы құбылмалы болады
Ақмола облысының кей жерлерінде тұман түсіп, көктайғақ болады, боран соғып, желдің жылдамдығы секундына 15-20 метрге жетеді.
Алматы облысында күндіз Жалаңашкөл аймағында жел күшейіп, жылдамдығы секундына 20-25 метр болады.
Қостанай облысының кей жерлеріне тұман түседі деп күтілуде. Сондай-ақ көктайғақ болып, желдің екпіні таң ата және күндіз секундына 15-20 метрге жетеді.
Солтүстік Қазақстан облысының кей жерлеріне тұман түсіп, жел секундына 15-20 метр жылдамдықпен ұйтқиды.
Шығыс Қазақстан облысының кей жерлерінде түнде және күндіз тұман түсіп, күндіз секундына 15-20 метр жылдамдықпен жел соғады.
Атырау, Батыс Қазақстан облыстарының кей жерлерінде тұман түсіп, көктайғақ болады.
Жамбыл, Қызылорда, Маңғыстау, Ақтөбе, Қарағанды, облыстарында тұман түсуі ықтимал.
Күндіз Павлодар облысының бірқатар аймақтарында көктайғақ болады.