Қолданушы баптаулары
Қолданушы баптаулары
+7 (701) 759 90 19 Лента
Астана: -18 °С
Алматы: -6 °С
USD 335.05 EUR 395.12
RUB 5.66 CNY 50.64
Жаңалықтар

Қазақстанда құрастырылған автомобильдер тәжік нарығына шықты

2017 жылғы 7 қазан 17:23 1457
Поделиться:
Қазақстанда құрастырылған автомобильдер тәжік  нарығына шықты

АСТАНА. ҚазАқпарат - Бүгін Душанбеде Қазақстанда шығарылған автомобильдердің 55 дана алғашқы партиясын «Холдинг Азия групп Таджикистан» ЖАҚ таксомотор паркіне тапсыруға арналған салтанатты іс-шара өтті.

Бұл жайында Қазақстанның Тәжікстандағы Елшілігінен мәлім етті, деп хабарлайды ҚазАқпарат.

Шараға Қазақстанның Тәжікстандағы Елшісі Нұрлан Сейтімов, Тәжікстан Республикасының Көлік министрі Худоёр Худоёрзода, Душанбе қаласы төрағасының орынбасары Курбон Тагай Саидзода, сондай-ақ іскер, қоғамдық орталар мен БАҚ өкілдері қатысты.

Қазақстанда құрастырылған автомобильдер тәжік  нарығына шықты

Н.Сейтімов Қазақстан мен Тәжікстанның арасындағы өзара сауданың жоғары деңгейін атап өтті. Бұл орайда, Қазақстан соңғы жылдары Тәжікстанның негізгі сыртқы сауда серіктестерінің үштігіне кіреді. 2017 жылы қаңтар-тамызда Қазақстан мен Тәжікстан арасындағы тауар айналымының көлемі 525,1 млн АҚШ долларын құрап, ол 2016 жылдың сәйкес кезеңімен салыстырғанда 29,7 пайызға жоғары болды.

Қазақстанда құрастырылған автомобильдер тәжік  нарығына шықты

Сонымен қатар Елші екі елдің шаруашылық субъектілері арасында Тәжікстанға қазақстандық тауарларды жеткізілімі кезіндегі кооперациялық байланыстарды арттырудағы «KazakhExport» ЭСК» АҚ-ның маңызды рөліне назар аударды. «KazakhExport» құралдары мен мүмкіндіктерін таныстырып, Елшілік тарапынан осы компания мен тәжікстандық импортерлер арасындағы байланыстарды дамытуға қажетті жәрдем көрсетуге дайындығын білдірді.

Қазақстанда құрастырылған автомобильдер тәжік  нарығына шықты

Естеріңізге сала кетсек, биылғы жылдың сәуір айында «KazakhExport» Экспорттық сақтандыру компаниясы» АҚ қолдауымен қазақстандық автоөндірушілер  («СарыарқаАвтоПром» және «Hyundai Trans Auto») мен «Азия групп Таджикистан» холдингі арасында 2000 автомобиль (1000 «Peugeot 2012» маркісі және 1000 «JAC S3» маркісі) жеткізуге жалпы құны 24 млн АҚШ долларын құрайтын келісімшарт жасалған болатын.

 

 


Басты сөздер: Тәжікстан, Көлік, Экономика,
Бөлісіңіз:

Автор:

Марлан Жиембай

Пікір қалдыру
Мұрағат