Қазақстанда электронды алаңда сауда жасайтындар табыс салығынан босатылды
«Бүгінгі таңда әлеуметтік желі арқылы сауда жасай алатын адамдар электронды алаңға өте алады. Сол кезде табыс салығын төлемей-ақ қоюға болады. Электрондық алаңның өзі жеткілікті. Жеңілдіктерді алудың шарты: сауданы электрондық түрде рәсімдеу болып табылады. Сонда тауар төлемі қолма-қол төлемсіз жүргізіледі. Электрондық сауда табысы жылдық жиынтық табыстың 90 пайызынан кем болмауы керек», - дейді Ұлттық экономика вице-министрі Руслан Дәленов.
Сонымен қатар, вице-министр санкциялар мен бақылауларға қарсы екендігін жеткізді.
«Егер кәсіпкерлік дамып жатса - бұл әлбетте, жақсы. Бірақ, қай жерден табыс тапса да, қазақстандық салық жағын да ұмытпауы керек. Бұл талаптарды көзге ілмеу салықтан жалтару болып табылады. Біздің тапсырмамыз - ұстау емес, түсіндіру», - дейді Руслан Дәленов.
Еске сала кетсек, жаңа салық кодексі 2018 жылдың 1 қаңтардан бастап күшіне енген болатын.