Қазақстанда баспананы сату-сатып алу мәмілелері 29,5% артты

АСТАНА. ҚазАқпарат - Қазақстанда 2017 жылғы қаңтар-қазан айларында тұрғын үйлерді сату-сатып алу мәмілелерінің саны 200 165-ті құрады. Бұл 2016 жылдың осы кезеңімен салыстырғанда 29,5%-ға көп, деп хабарлайды «ҚазАқпарат» ХАА тілшісі ҚР Ұлттық экономика министрлігі Статистика комитетіне сілтеме жасап.

Биыл қазан айында баспананы сату-сатып алу бойынша 22 857 мәміле тіркелді. Көрсеткіш өткен аймен салыстырғанда 5%-ға артық.