Қазақстанда баспана сату-сатып алу мәмілесінің саны 28,6%-ға өсті

АСТАНА. ҚазАқпарат - Қазақстанда 2017 қаңтар-қараша аралығында баспананы сату-сатып алу мәмілесінің саны 220 686 болған және 2016 жылдың осы кезеңімен салыстырғанда 28,6%-ға артқан, деп хабарлайды «ҚазАқпарат» ХАА тілшісі ҚР Ұлттық экономика министрлігі Статистика комитетіне сілтеме жасап.

Биыл қарашада баспананы сату-сатып алу мәмілесінің саны 20 521-ді құрап, өткен аймен салыстырғанда 10,2%-ға азайған.