13:49, 06 Желтоқсан 2017 | GMT +6
Қазақстанда алдағы күндері күн жылынады
АСТАНА. ҚазАқпарат - «Қазгидромет» РМК 7-9 желтоқсанға арналған ауа райы болжамын жариялады, деп хабарлайды ҚазАқпарат.
«Қазақстандағы ауа райына әсер ететін Сібір антициклоны бірте-бірте сейіліп, Алтайға қарай жылжиды. Бұл республикада күннің жылынуына әсер етеді. Ресейдің еуропалық бөлігіндегі атмосфера қысымының орнына барикалық өріс және онымен байланысты ауа ағындары жылжып келеді. Бұл еліміздің оңтүстік, оңтүстік-шығыс, орталық және солтүстік-батыс өңірлеріне жылы ауаны алып келеді», - делінген хабарламада.