Қазақстанда 60 млн тоннаға жуық «күрделі» мұнай өндірілмек

 АТЫРАУ. ҚазАқпарат - Қазақстанда «күрделі» мұнайы бар 29 кен орнынан 57 млн тонна шикізат өндіріледі, деп хабарлады «ҚазАқпарат» ХАА тілшісі.

«Қазақстанда мемлекет балансында тұтқырлығы жоғары, ауыр  әрі өндірілуі қиын ондаған мұнай кен орны бар. Мұнай көлемі 1,5 млрд тоннаға бағалануда. «ҚМГ» ҰК» АҚ мұндай кен орындары қорларының тұрақты өсуін қамтамасыз ету бойынша жұмыстарды бастады.

Барлық параметрлер бойынша талдау жүргізілген 107 кен орнының 29-ынан «күрделі» мұнай өндірісін бастау жоспарлануда. Бес жыл ішінде 57 млн тонна мұнай өндіріледі, деп хабарлады компанияның барлау бойынша вице-президенті Мұрат Саурамбаев.