Қазақстан своп жүйесімен Иранға мұнай жеткізуді қайта бастады

None
None
АСТАНА. ҚазАқпарат - 8 жылдық үзілістен кейін Иран своп жүйесі арқылы Каспий теңізіндегі мұнай саудасын қайта бастады. Бүгінде Каспиймаңы елдерінен - Түрікменстан мен Қазақстаннан мұнай жеткізілу үстінде. Бұл туралы Иран мұнай терминалдары компаниясына сілтеме жасап ИРНА агенттігі хабарлады.  

Атап өтілгендей, Иран көрші елдермен мұнай бойынша своп-операцияларды қайта жаңғыртқан 2017 жылдың тамызынан бері своп арқылы (шикізат алмасу мәмілесі) 2,2 млн баррель мұнай алған. Қара алтын Нека қаласындағы Солтүстік терминалымен жеткізілген.

Иран мұнай терминалдары компаниясы Каспий теңізімен алған шикізатты Тегеран мен Тебриздегі мұнай өңдеу зауыттарына жөнелтеді.  

Фото: irna.ir

Соңғы жаңалықтар