22:36, 16 Желтоқсан 2017 | GMT +6
Қазақстан мен Өзбекстан 2018 жылы демаркация бойынша далалық жұмыстарды жүргізеді
ТАШКЕНТ. ҚазАқпарат - Қазақстан мен Өзбекстан 2018 жылы демаркация бойынша далалық жұмыстарды жүргізуге өзара келісті, деп хабарлайды ҚазАқпараттың меншікті тілшісі Өзбекстан СІМ-нің баспасөз қызметіне сілтеме жасап.
Шешім Ташкенттегі өзбек-қазақстанның бірлескен демаркациялық комиссиясының 11-15 желтоқсандағы жұмыс тобының кездесуінде қабылданды.
Тараптар келіссөздер барысында өзбек-қазақстандық мемлекеттік шекараны демаркациялау жөніндегі қорытынды құжаттар бойынша жұмыстарды жалғастырды.
«Сондай-ақ, тараптар пікір алмасып және 2018 жылы демаркация бойынша далалық жұмыстарды жүргізуді ұйымдастыру мәселелерін шешуге келісті», - делінген көрші елдің СІМ таратқан хабарламасында.
Кездесу конструктивті және достастық жағдайында өтті.