Қазақстан футбол құрамасының капитаны «Ертістен» кететінін мәлімдеді

АСТАНА. ҚазАқпарат - Қазақстан құрама командасының және «Ертістің» капитаны Давид Лория павлодарлық ұжым сапынан кететінін мәлімдеді, деп хабарлайды «SPORTINFORM» САА.

 
 
36 жастағы қақпашы Instagram парақшасында «Ертіс» жанкүйерлеріне арнап пост жазды. «Өкінішке қарай, менің «Ертістегі» жолым осымен аяқталды. Клуб маған өз шешімін айтты, мен оны қабылдадым», - дейді ол.
Еске сала кетейік, Лория «Ертіс» сапында бес жарым маусым өткізіп, соңғы екі маусымда команда капитаны болды.