Қазақстан - допинг үшін медалінен айырылған әлемдегі екінші ел
Тізімде Қазақстан екінші орында: Халықаралық олимпиада комитеті бұл елді 9 медалінен айырса, Ресей 19 медальдан айырылып, көш бастап тұр.
Үштікке 7 наградасынан айырылған Беларусь те кірді. Fox Sports атап өткендей, ең көп заң бұзушылық ауыр атлетикада -26. Жеңіл атлеттерден 18 медаль, палуандардан 5. Әйелдерде оң нәтиже көрсеткен допинг-сынама - 31, ал ерлерде - 18.
2008 жылғы Олимпиада ойындары нәтижесін қайта тексеруде Қазақстанда ауыр атлет Илья Ильин («алтын»), ауыр атлет Ирина Некрасова («күміс»), еркін стильдегі палуан Таймураз Тигиев («күміс»), ауыр атлет Мария Грабовецкая («қола») және грек-рим стилінің палуаны Әсет Мәмбетов («қола») медальдарынан айырылды. 2012 жылғы Олимпиада ойындарында алған Ильиннің және ауыр атлеттер Майя Манеза, Светлана Подобедова мен Зульфия Чиншанлоның медальдары кері қайтарылды.