Қазақстан - Армения футбол матчының жанкүйерлері үшін арнайы автобустар бөлінеді

АСТАНА. ҚазАқпарат - 8 қазанда «Астана Арена» стадионында өтетін Қазақстан - Армения командалары арасындағы футбол матчының жанкүйелеріне арнайы автобустар бөлінеді. деп хабарлайды ҚазАқпарат әкімдіктің медиа орталығына сілтеме жасап.

«Ойынды көремін деушілер «Қазақстан» СК, «Нұр Астана» мешіті, «Жастар» сарайы», «Астаналық цирк» тұрақтарынан сағат 20: 00-ден 21:00-ге дейін жиналады.

Арнайы автобустардың жүру ақысы - 90 теңге, жүру билеттері мен жеңілдігі бар билеттер жарамсыз», - делінген таратылған ақпаратта.

Айта кетейік, ойын аяқталған соң қалаға № 10, 12, 28, 40, 51, 303 қоғамдық көліктермен жетуге болады. Сондай-ақ, сағат 23.00-ден бастап Қабанбай батыр даңғылы бойынша стадионның тұрағы мен «Астана Арена стадионы» аялдамасында жанкүйерлерді қалаға апаратын автобустар ұйымдастырылады.