«Қазақмыс» жұмысшылары наразылық акциясын тоқтатты

ҚАРАҒАНДЫ. ҚазАқпарат - Бүгін таңертең жұмыс орындарынан кетіп, басшылықтан еңбекақыларын көтеріп, алты талап ұсынған «Қазақмыс» корпорациясы» ЖШС Оңтүстік Жезқазған кеніші жұмысшыларының ереуілі тоқтатылды, деп хабарлайды «ҚазАқпарат» ХАА тілшісі. 

Компанияның баспасөз қызметінің мәлімдеуінше, келіссөздер сәтті аяқталып, кеншілер жұмыс орындарына оралған.
«Оңтүстік Жезқазған кенішінде шыққан еңбек дауының реттелгенін хабарлаймыз. «Қазақмыс» корпорациясы» ЖШС-ның барлық кәсіпорындары штаттық тәртіппен жұмыстарын жалғастырады», -деп хабарлады «Қазақмыс» компаниясының баспасөз қызметі.