15:01, 16 Желтоқсан 2017 | GMT +6
«Қазақ жауынгері» кезекті жеңісіне қол жеткізді
АСТАНА.ҚазАқпарат - 23 жастағы қытайдағы қазақ боксшы, WBO тұжырымы бойынша жеңіл салмақта (53,5 келіге дейін - 118 фунт) Азия чемпионы Елшат Нығматоллаұлы (11-0-1, 3КО) 15 желтоқсан күні кәсіпқой бокстағы 12-ші жекпе-жегінде жеңіске жетті, деп хабарлайды ҚазАқпарат.
«Қазақ жауынгері» лақап атымен танымал Елшат кезекті жекпе-жегін қытайдың Гуандун провинциясы Чжуншань қаласында индонезиялық боксшы Рики Мануфоэға (27-32-3, 10КО) қарсы өткізді. 8 раундқа жоспарланған белдесуде Елшат қарсыласы Рикиды 4-ші раундтың соңғы минутында тізе бүктірді.
Айта кетейік, Елшат Нығматоллаұлы Қазақстандық боксшы Қанат Исламның (25-0, 20КО) жерлесі.