Қатты аязға байланысты еліміздің бірнеше облысында сабақтар тоқтатылды

АСТАНА. ҚазАқпарат - Аязды күндерге байланысты Қазақстанның бірнеше облысында сабақтар тоқтатылды, деп хабарлайды ҚазАқпарат.

Облыстық білім басқармасының мәліметіне сәйкес, 25 қаңтар күні қатты аязға байланысты Павлодар облысында 1-11 сыныптар аралығында 1 ауысымдар бойынша сабақ тоқтатылды.

Сондай-ақ, Шығыс Қазақстан облысының Өскемен қаласы мен барлық аудандарында 1-11 сыныптар аралығында, 1-2 ауысымдар бойынша сабақ тоқтатылды.

Астана қаласы, СҚО және Ақмола облысының да 0-11 сыныптары бүгін үйлерінде отыр. 

Сонымен бірге, аязға байланысты Алматы облысының бастауыш сынып оқушылары үшін сабақ тоқтатылды.