Ауа райы
Астана 12 °С
Алматы 16 °С
валюта бағамы
USD 332.70
EUR 389.99
RUB 5.59
CNY 49.72

Қасым-Жомарт Тоқаев Швейцарияға ЭКСПО-2017 көрмесіне қатысқаны үшін алғыс айтты

Қасым-Жомарт Тоқаев Швейцарияға ЭКСПО-2017 көрмесіне қатысқаны үшін алғыс айтты
2017 жылғы 19 маусым 11:57 690

АСТАНА. ҚазАқпарат - Парламент Сенатының төрағасы Қасым-Жомарт Тоқаев Швейцарияның федералды сыртқы істер кеңесшісі (министрі) Дидье Буркхальтермен кездесті. Бұл туралы «ҚазАқпарат» ХАА палатаның баспасөз қызметіне сілтеме жасап хабарлайды.

К. Тоқаев «жасыл» экономика және баламалы энергетика саласындағы әлемдік көшбасшылардың бірі Швейцарияға «ЭКСПО-2017» халықаралық мамандандырылған көрмесіне белсенді қатысқаны үшін алғыс білдірді.

Сенат спикері Қазақстанның Швейцарияны Еуропадағы маңызды әрі сенімді серіктесі деп есептейтінін атап өтті. Екіжақты ынтымақтастық белсенді саяси диалог, ауқымды сауда-экономикалық, инвестициялық және гуманитарлық байланыстарды қамтиды.

Кездесу барысында екіжақты байланыстар мен ЕҚЫҰ Парламенттік ассамблеясын қосқанда, халықаралық ұйымдар аясында маңызды рөл атқаратын парламентаралық диалогты нығайтудың келешегі қаралды.

Сонымен бірге, К. Тоқаев пен Швейцария сыртқы саяси мекемесінің басшысы ЕҚЫҰ жауапкершілік аймағындағы ұзаққа созылған шиеленістерге қатысты бірқатар мәселелерді талқылады.

 

 

Басты сөздер: Халықаралық ұйымдар, Қазақстан және ЕҚЫҰ, Сенат, Қазақстанның сыртқы саясаты,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер