Қасым-Жомарт Тоқаев: Елбасы стратегиялық көреген саясаткер беделін растады

АСТАНА. ҚазАқпарат - Қазақстан көшбасшысы стратегиялық көреген саясаткер беделін растады. Мұндай пікірді ҚР Парламенті Сенатының төрағасы Қасым-Жомарт Тоқаев білдірді, деп хабарлайды «ҚазАқпарат» ХАА.

«Президент Нұрсұлтан Назарбаевтың БҰҰ Қауіпсіздік Кеңесінің отырысында жасаған мазмұнды баяндамасы бүкіләлемдік ұйымның негізгі органының жұмысына күшті серпін беріп, халықаралық ахуалдың өзекті проблемалары бойынша ондағы пікірталастарға негіз салады. Қазақстан көшбасшысы стратегиялық көреген саясаткер беделін растады», - деп атап өтті Қасым-Жомарт Тоқаев Твиттердегі парақшасында.