Қарағандылық жеңіл атлеттер Азияның рекордын жаңартты

None
None
АСТАНА. ҚазАқпарат - Жеңіл атлетикадан Өскеменде өтіп жатқан Қазақстан чемпионатында қарағандылық спортшылар Азияның рекордын жаңартты, деп хабарлайды ҚазАқпарат ҚР Жеңіл атлетика федерациясының ресми сайтына сілтеме жасап.

Өскеменде өтіп жатқан Қазақстан чемпионатында Қарағандының эстафета құрамасы Азияның үздік нәтижесін тіркеді.

«Николай Барсановтан тәлім алатын Виталий Земс, Владислав Григорьев, Вячеслав Земс, Давид Ефремов 4х200 метрлік эстафетаға жүгірген болатын. Бұл төрттік аталған қашықтықты 1:26:70 минутта жүгіріп өтті. Сөйтіп, Азияның үздік көрсеткішін орнатты. Бұған дейінгі рекорд Жапония құрамасына тиесілі еді. Олар 1991 жылы 200 метрді 1:27.04 минутта кесіп өткен. Қарағандылық атлеттердің осы нәтижесін ҚР Жеңіл атлетика федерациясы Азия жеңіл атлетика қауымдастығына жіберетін болады», - деп жазылған ақпарат көзінде.

Айта кететін жайт, Қазақстан кубогымен салыстырғанда чемпионатта ерлер арасындағы эстафетаға қатысушылар саны артқан. Кубокта бар-жоғы 2 құрама өнер көрсетсе, бұл жолы медаль үшін 8 команда таласты. Ол кезде Павлодар спортшылары топ жарған еді, осы жолы керекуліктер екінші орынмен шектелді. Үздік үштікті Ақмола облысының эстафеташылары қорытындылады.

Әйелдерден екі команда жарыс жолына шықты. Александра Залюбовская, Роксана Оспанова, Вероника Брославская, Валентина Степанковская бастаған Павлодар құрамасы Шығыс Қазақстан қыздарынан жылдам болып шықты.

15 қаңтар, Өскемен. Жабық кешендегі Қазақстан чемпионаты.

4х200 метрлік эстафета, ерлер:

1.     Қарағанды обл. - 1.26,70 мин.

2.     Павлодар обл. - 1.28,94 мин.

3.     Ақмола обл. - 1.30,21 мин.

4х200 метрлік эстафета, әйелдер:

1.     Павлодар обл. - 1.44,58 мин.

2.     ШҚО. - 1.47,44 мин. 

Соңғы жаңалықтар