Қарағандыдағы шахтада өрт шықты

АСТАНА. ҚазАқпарат - Қарағандыда «АрселорМиттал Теміртау»  АҚ  шахтасында өрт болып, барлық кеншілер  эвакуацияланды, деп хабарлайды компанияның баспасөз қызметі.

«10 наурызда Костенко атындағы шахтаның  желдету түйісімі учаскесінде өрт шыққан.  Ауысым бастығы шұғыл апатты жою  шараларын енгізген. Шахтадағы барлық жұмысшылар жоғары, қауіпсіз жерге шығарылды»,- делінген хабарламада.

Оқыс оқиғаның себеп-салдарын апатты жою шараларынан соң арнайы комиссия тексеретін болады.