02:25, 27 Мамыр 2017 | GMT +6
Қарағандыда құтқарушы-кинологтар ЭКСПО-2017 қауіпсіздігін қамтамасыз етуге дайындалуда
АСТАНА. ҚазАқпарат - Қарағанды қаласының құтқару бөлімшесінде аймақтық кинологиялық есептер жиын-семинары өткізіліп жатыр, деп хабарлайды ҚР ІІМ ТЖК баспасөз қызметі.
Бұл шараға Астана, Атырау, Екібастұз, Көкшетау қалалары құтқару бөлімшелерінің кинологиялық есептері қатысуда.
Мұндағы басты мақсат - техногенді сипаттағы ТЖ аумағында бөлімшелердің өзара қатынасын пысықтау және Астана қаласында «ЭКСПО-2017» халықаралық мамандандырылған көрмесінің қауіпсіздігін қамтамасыз ету.
Үйінді техногенді аумақтарда қиын жағдайда бірлескен тәртіпте бірнеше жұмыс атқарылады: қараңғы уақытта, жертөледе, альпинисттік технологияның көмегімен қиын жерлерде кинологиялық есептерді жеткізу.
Осы іс-шараларды жүргізу үшін Қарағанды қаласында бұрынғы Карбит заводы мен Ет комбинаты аймағында іздестіру ерекшелігі бойынша сабақтарға арналған оқу-жаттығу орны және кинологиялық есептерді орналастыруға арналған дала лагері дайындалған.