Ауа райы
Астана -9 °С
Алматы -3 °С
валюта бағамы
USD 330.00
EUR 390.72
RUB 5.65
CNY 50.13

Қарағандыда кісі өліміне алып келген апатқа кінәлі взвод командиріне үкім шықты

Қарағандыда кісі өліміне алып келген апатқа кінәлі взвод командиріне үкім шықты
2017 жылғы 20 маусым 20:01 828

ҚАРАҒАНДЫ. ҚазАқпарат - Мас күйінде апатқа ұшырап, кісі өліміне кінәлі болып, полиция экипажынан бой тасалаған Қарағанды облысы жергілікті полиция қызметі жол-патрульдік полиция взводының командирі Серікбай Рахымовқа  2 жыл 6 айға шартты жаза кесілді, деп хабарлады «ҚазАқпарат» ХАА тілшісі.

Қылмыстық іс матералдарына сәйкес қайғылы жағдай Қарағандыда осы жылы 21 қаңтарда орын алған. Взвод командирі Рахымов қалада дәмханалардың бірінен 12 мың теңгеге ішімдік ішіп, артынша көлігіне отырған. Бұқар жырау даңғылында оны жол-патрульдік полиция қызметкерлері тоқтатпақ болады. Алайда ол бұл талапты ескермей, аса жоғары жылдамдықпен Қарағандының орталық базары жағына қарай жүріп кетті. Полицейлер оны қуып жетіп, тоқтатты. Командир көліктен шықпай қойды, бұл туралы қызметкерлер жол-патрульдік полиция басшылығына жеткізді. Оқиға орнына  қатардағы қызметкер Мұрсал Сыздықов шақыртылды. Оған жағдайды анықтау тапсырылды.

Қарағандыда кісі өліміне алып келген апатқа кінәлі взвод командиріне үкім шықты 

Мұрсал Сыздықов  командирді салоннан шығарып, экипаж талабына бағынуға көндірді. Алайда көліктен шыққан мас командир  салоннан темекі алуға рұқсат сұрады. Машинаға қайта отырған ол көлікті оталдыра сала  жүріп кетті. Испектор  Сыздықов салонға жүгіріп мініп, жолаушылар орындығына отырып үлгерді.

Қарағанды сыртындағы әуежай жаққа шыққан командир рульді басқара алмай, көпірден ұшып кетті. Алған жарақаты салдарынан инспектор апат орнында көз жұмды.

Қарағандыда кісі өліміне алып келген апатқа кінәлі взвод командиріне үкім шықты 

Қазыбек аудандық сотының судьясы Саян Аққожин командирді ҚР 345-бабы 3-бөлігі және ҚК 379-бабы 1-бөлігі  бойынша кінәлі деп таныды.

Қаза тапқан Мұрсал Сыздықовтың 5 жастағы мен 8 айлық ұлы жетім қалды.

 

 

Басты сөздер: Қылмыспен күрес, Қарағанды облысы, Сот,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер