16:56, 26 Шілде 2017 | GMT +6
Қарағандыда 1,5 млн теңге пара алған әкімнің орынбасары ұсталды
АСТАНА. ҚазАқпарат -Қарағанды облысы Абай ауданы әкімінің орынбасары пара алды деген күдікпен ұсталды, деп хабарлайды «ҚазАқпарат» ХАА тілшісі Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап.
«25 шілде күні Сыбайлас жемқорлыққы қарсы іс-қимыл ұлттық бюросының департаменті Қарағанды облысы Абай ауданы әкімінің орынбасары Д.Ж.Сүлейменовтің 1,5 млн теңге сомасында пара алғанын әшкерледі», - деп хабарлады ведомства.
Ақша ЖШС басшысынан Өңірлерді дамыту-2020 мемлекеттік бағдарламасы аясында нысандардың құрылысы бойынша атқарылған жұмыстардың актісіне қол қою үшін және ары қарай да қолдау көрсету үшін алынған.
Сүлейменов Қарағанды қалалық ІІБ уақытша оқшаулау орталығына қамалды.