Қарағанды тұрғыны колонияға ірі сомалы ақша беріп жібермекші болған

ҚАРАҒАНДЫ. ҚазАқпарат - Қарағанды тұрғыны колонияда жазасын өтеушіге ақша мен флеш-карта бермекші болған, деп хабарлайды «ҚазАқпарат» ХАА тілшісі.

«Орталық» өңірлік қолбасшылығы 6505 әскери бөлімі екінші атқыштар батальоны үшінші атқыштар ротасының қызметкерлері түзеу мекемесіне тыйым салынған заттарды алып алып кірмекші болған әрекеттің бетін қайтарды», - деп хабарлады Ұлттық гвардияның баспасөз қызметі.

АК-159/6 қатаң режимді колонияға кірмекші болған автомобильді тексеру кезінде жүксалғышқа тығып қойған қағаз орамы табылды. Орамда 106 200 теңге және екі флеш-карта болған. Ұсталушы ІІБ тергеу-жедел тобының мамандарына берілді. Кіші сержант Жандос Полат қырағылық танытқаны және кәсібилігі үшін әскери бөлімнің басшылығымен мадақталды.