Қолданушы баптаулары
Қолданушы баптаулары
+7 (701) 759 90 19 Лента
Астана: 7 °С
Алматы: 6 °С
USD 326.17 EUR 401.25
RUB 5.31 CNY 51.84
Жаңалықтар

Қарағанды облысында 1 ақпанға дейін қоғамдық денсаулық қызметтері құрылмақ

2018 жылғы 14 қаңтар 21:58 1078
Бөлісіңіз:
Қарағанды облысында 1 ақпанға дейін қоғамдық денсаулық қызметтері құрылмақ

АСТАНА. ҚазАқпарат - Қарағанды облысының әкімі Ерлан Қошанов медициналық-санитарлық көмекті дамыту бойынша тапсырмалар берді, деп хабарлайды өңірлік әкімдіктің баспасөз қызметі.

«ҚР Президенті Нұрсұлтан Назарбаев алдын алу шараларын үдету арқылы медициналық көмекті жақсарту бойынша нақты тапсырмалар қойды. Бізге алдағы уақытқа алғашқы медициналық-санитарлық көмекті әрі қарай дамытуға басымдылық жасау қажет. Отбасылық денсаулық орталықтарының желілерін дамыту керек», - деді Ерлан Қошанов Елбасының «Төртінші өнеркәсіптік революция жағдайында жаңа мүмкіндіктерді дамыту» Қазақстан халқына Жолдауында алға қойылған міндеттер мен мақсаттарын талқылауға арналған актив жиналысында.

Ол мысал ретінде Қарағандыда мемлекеттік-жекеменшік серіктестік шеңберінде ашылған отбасылық денсаулық орталығын келтірді.

«Бұл тәжірибені әрі қарай жалғастыруымыз қажет. Денсаулық сақтау басқармасымен және қала мен аудандардың әкімдерімен бір апталық мерзім ішінде облысымыздың аймақтарында отбасылық денсаулық орталықтарын дамыту бойынша егжей-тегжейлі жобалары ұсыналатын болсын, - деп тапсырма берді аймақ басшысы. - Облысымыздың барлық емханаларында қоғамдық денсаулықты қорғау қызметтерін, жастар денсаулығы орталықтарын дамыту қажет. Осы орайда Денсаулық сақтау басқармасына 1-ші ақпанға дейін Қоғамдық денсаулық сақтау қызметін құруды және кезең-кезеңмен барлық алғашқы медициналық-санитарлық көмек ұйымдарында филиалдар ұйымдастыруды тапсырамын».

Сонымен қатар облыста ғалымдардың қатысуымен онкологиялық дерттермен күрес бойынша жаңа Кешендік жоспар құрылатын болады. 

 

 


Бөлісіңіз:
Онлайн қызметкерлер
Редактор
Кожакелдиев Е.
Кожакелдиев Е.
954-059
Мұрағат