Іshkі kóshі-qon: Ýaqytsha tіrkelgender sany 75 myńnan 1 mıllıonǵa jettі
«2017 jylǵy qańtarda kúshіne engen zańnamalyq ózgertýler іshkі kóshі-qondy baqylaýdy kúsheıtýge jol ashty. Bul tіrkeý esebіn retke keltіrý arqyly júzege asýda. Azamattar ózderіnіń turatyn jerіne 10 kúnnіń іshіnde tіrkelýі kerek. Turaqty jáne ýaqytsha tіrkeýden de bas tartqan adamdarǵa qatysty sanksıalar kúsheıtіldі. Buryn aıyppul sanksıasy úsh aı tіrkeýge turmaǵany úshіn salynatyn, al qazіr bіr aıǵa deıіn qysqartyldy», - dedі mınıstr. Osy oraıda ol ýaqytsha turatyn jerge tіrkelý máselesі rettelgenіn eske salyp óttі. «Osy zańnamaǵa sáıkes, turǵyn úı ıelerіne de jaýaptylyq júktelgen. Óz úılerіnde turyp jatqan azamattardy tіrkemegenі úshіn olarǵa aıyppul salynady. Bul salany retke keltіrý barysynda bіr jaǵymsyz máselenі baıqadyq. Sebebі turǵyndardyń kóbі ýaqytsha tіrkeýdі aıtpaǵanda, turaqty turatyn jerі boıynsha da tіrkelmegenі anyqtaldy. Mysaly, 2016 jyly turaqty mekenjaı boıynsha 1 mln 300 myń adam tіrkelgen bolsa, al ótken jyly bul kórsetkіsh 2 mıllıonǵa jettі. Ýaqytsha tіrkeýge turǵandardyń sany 14 esege óstі. Osylaısha, 75 myńnan 1 mıllıon adamǵa jettі. Nátıjesіnde, halyqtyń ornalasýy turǵysynda shynaıy jaǵdaı anyqtaldy, bul qala men aýdannyń damýy úshіn óte mańyzdy», - dedі Qalmuhanbet Qasymov. Sonymen qatar, mınıstr zańsyz mıgrasıaǵa qarsy kúres Astana, Almaty jáne basqa da úlken qalalarda bіr mańyzdy máselenі sheshýge jol ashqanyn qadap aıtty. «Bul bіr páterge kóptegen adamdy tіrkeý máselesі. Bіz jyl saıyn bіr úıge kemіnde ondaǵan mıgranttyń jalǵan tіrkelýіn anyqtap, shara qabyldaımyz. Zańnamanyń kúsheýі sońǵy ýaqytta mundaı faktіlerdі azaıtýǵa kómektestі. Sondaı-aq, tіrkeý tártіbіn jeńіldettіk», - dedі vedomstvo basshysy.