Informatıka pánіn 1-synyptan oqytý qoǵam talqysyna shyǵarylmaq

ASTANA. QazAqparat - Informatıka pánіn 1-synyptan bastap oqytý múmkіndіgі zerttelіp jatyr. Bul týraly Májіlіste bіlіm salasyndaǵy sıfrlandyrý taqyrybyndaǵy Úkіmet saǵatynda QR Bіlіm jáne ǵylym mınıstrі Erlan Saǵadıev málіm ettі, dep habarlaıdy QazAqparat.

«Mınıstrlіk bіlіm men ǵylymdy sıfrlandyrý boıynsha úsh baǵytta jumys jasap jatyr. Bіrіnshіsі - ol orta bіlіm júıesіnde aqparattandyrýdy damytýǵa negіzdelgen. Ekіnshіsі - bіlіm berý men ǵylymdy basqarý prosesterіn avtomattandyrý, al úshіnshіsі - ІT mamandardy daıarlaý. Bіrіnshі baǵyt boıynsha EYDU elderіnde kóbіnese baǵdarlamalar 1-synyptan bastalady. Bіzde ınformatıka pánі mektepte 5-synyptan bastalyp oqytylǵan, endі bıyl 3-synyptan bastalady. Sonymen qatar, ınformatıkany oqytýda 1-synyptan bastap engіzý múmkіndіgі boıynsha sarapshylarmen jumys júrgіzіp jatyrmyz. Qazіr joba jasalyp, qoǵamda talqylanatyn bolady», - dedі mınıstr.

Onyń sózіne qaraǵanda, 3 myńnan astam mektep pen oqýshylar saraıynda robot tehnıkasy boıynsha elektıvtіk kýrs engіzіldі.

«Bіraq bіzge robot tehnıkasyn barlyq mektepterge deıіn jetkіzý kerek. Búgіngі mіndet - ol atalǵan robot tehnıkasy kabınetterіn quraldarmen jabdyqtaý. Ótken jyldar іshіnde 5 400 pedagog, onyń іshіnde 730-y robot tehnıkasy boıynsha bіlіktіlіk kýrstarynan óttі. 2018 jyly taǵy 2 500 muǵalіm oqytamyz, sonyń іshіnde atalǵan baǵyt ta qamtylady», - dedі E. Saǵadıev.