11:35, 03 Мамыр 2018 | GMT +6
Халықаралық бокс федерациясы Головкинге чемпион сақинасын сыйға тартты
АСТАНА. ҚазАқпарат - Халықаралық бокс федерациясы айқастың алдындағы соңғы баспасөз мәслихатында қазақстандық боксшы Геннадий Головкинге ерекше сыйлық табыс етті, деп хабарлайды SPORTINFORM САА.
Головкин IBF-тің үш титулын сәтті қорғағаны үшін бокс ұйымынан сыйлық ретінде чемпион сақинасын алды.
Айта кетейін, Головкин - Мартиросян жекпе-жегі Астана уақытымен 6 мамыр күні таңертең өтеді. Кездесуде қазақстандық боксшының WBA, WBC және IBO чемпиондық белбеулері тігіледі. Алайда, IBF чемпиондық белбеуі ойнатылмайды, себебі ұйым бұл айқасқа санкция берген жоқ.