Халықаралық бағдарламалар орталығының қызметкерлерін жұмыстан шығаруға тыйым салынды

АСТАНА. ҚазАқпарат - Халықаралық бағдарламалар орталығының президенті Ж. Мелдешевке қатысты жұмыс тобының алғашқы шешімдері жарияланды, деп хабарлайды ҚазАқпарат ҚР Білім және ғылым министрлігінің баспасөз қызметіне сілтеме жасап.

«БАҚ-та жарық көрген жарияланымдарды анықтау жөніндегі жұмыс тобының бірінші мәжілісінен кейін және ҚР Білім және ғылым министрлігі Халықаралық бағдарламалар орталығы ұжымының жиналысынан соң ХБО қызметкерлерін жұмыстан босатуға және ұйымның құрылымын өзгертуге үш айға тыйым салды. ҚР БҒМ комиссия жұмысының қорытындысын ұжымға және БАҚ-қа таныстыратын болады», - делінген баспасөз баянында.