Google зиянды хабарлама тарап жатқаны туралы ескертті

АСТАНА. ҚазАқпарат - Google компаниясы әлемдегі барлық қолданушыларға Gmail пошталық сервисі арқылы Google Docs түрінде фишингтік хабарлама жіберіліп жатқаны туралы ескертті. Бұл туралы аталмыш компания Twitter-де жариялады, деп хабарлайды Росбалт.

«Біз Google Docs түріндегі фишингтік хабарламаларды тексеріп жатырмыз. Біз мұндай хабарламаларды ашпастан, фишинг туралы хабарлау батырмасын басуды сұраймыз», - делінген хабарламада.

The Verge қаскүнемдердің қолданушыларға олар танитын адамдардың атынан хабарлама жіберіп отырғанын айтуда. Кейін жіберілген сілтемеге кірген кезде, хаттар мен Google Docs деп аталатын бағдарламаның мекенжай кітабына рұқсат беру ұсынылады. Алайда, зиянды сілтемеге кірген жағдайда, қаскүнемдер басқа қосымшалар арқылы аккаунтты пайдалана алады.