Головкин «Канелоға» тыйым салынса, кіммен айқасатындығын айтты

АСТАНА. ҚазАқпарат - Қазақстандық былғары қолғап шебері Геннадий Головкин (37-0-1, 33 КО) допинг дауына іліккен Сауль Альвареске (49-1-2, 34 КО) тыйым салынса, кіммен жекпе-жекке шығуы мүмкін екенін айтты, деп хабарлайды ҚазАқпарат Sports.kz-ке сілтеме жасап.

«Осы жекпе-жек болады деп әлі үміттеніп отырмын. Бірақ бәрін комиссия шешеді. «Канело» мен оның командасын білгендіктен, мұндай қадамға барады деп күткен жоқпын. Бұл оқиға менің және Альварестің спортқа деген көзқарасымызды көрсетті. Егер жекпе-жекке рұқсат етілмесе, мен үшін келесі қарсылас Сондерс болады, өйткені менің арманым - орта салмақтың бүкіл белдігін жинау», - деді Головкин.

Еске сала кетейік, Альварестің мүддесін қорғайтын Golden Boy промоутерлік компаниясы боксшыдан алынған допинг сынамалардың бірінен тыйым салынған препарат - Кленбутерол табылғаны туралы ақпаратты растаған болатын.