14:17, 19 Мамыр 2017 | GMT +6
Головкин - Альварес жекпе-жегіне арналған тағы бір проморолик жарияланды
АСТАНА. ҚазАқпарат - YouTube желісінде Головкин - Альварес жекпе-жегіне арналған кезекті проморолик жарияланды. Аталған жекпе-жек 16 қыркүйекте өтеді. Алайда оның өтетін жері әлі анықталған жоқ, деп хабарлайды ҚазАқпарат тілшісі.
Айта кетейік, бұған дейін YouTube-тағы GOAT Boxing арнасы Геннадий Головкин мен Сауль «Канело» Альварестің нокаутттарын салыстырып, арнайы бейнероликті жариялаған болатын.
Осыдан кейін «Total war», яғни «Қырғын соғыс» деп аталатын проморолик шыққан.
Сондай-ақ, Головкин мен Альваресті мультипликациялық фильмнің кейіпкерлері ретінде көрсетті .
Gizza Sport пен HBO Sports та өз промороликтерін жариялады.
Жақында ғаламторда тараған бес минуттықпроморолик те өте қызықты болып шықты.