08:33, 24 Қазан 2017 | GMT +6
Головкин-Альварес реваншына қатысты келіссөздер аяқталуға жақын
АСТАНА. ҚазАқпарат - Қазақстандық боксшы Геннадий Головкиннің (37-0-1, 33 КО) жаттықтырушысы Абель Санчес Boxingscene.com сайтына мексикалық Сауль Альвареспен (49-1-2, 34 КО) екінші айқасқа қатысты келіссөздер жайлы айтып берді, деп хабарлайды Sports.kz.
«Геннадийдің желтоқсанда немесе осы жылдың соңына дейін айқаспайтыны анық. Екі тарап та [Golden Boy Promotions және K2 Promotions] келіссөздер жүргізіп жатыр. Олардың осы аптада кездесетініне сенімдімін. Келіссөздер таяу арада аяқталады деп ойлаймын. Мен үшін қарымта жекпе-жек өткізуге нағыз қолайлы уақыт - 5 мамыр. «Синко де майо» - барлық мексикалықтарға ортақ мереке. Егер жекпе-жек мамыр айында болатын болса, осы уақытқа дейін ешкімнің айқаспағаны дұрыс - бұл ешкімнің жарақат алып қалмауы үшін маңызды», - деді Санчес.