Ауа райы
Астана -2 °С
Алматы 3 °С
валюта бағамы
USD 330.29
EUR 387.27
RUB 5.56
CNY 49.80

«Газпром нефть» ОҚО-дағы битум өндіретін зауытты жаңғыртуда

«Газпром нефть» ОҚО-дағы битум өндіретін зауытты жаңғыртуда
2017 жылғы 16 қыркүйек 13:00 536

АСТАНА. ҚазАқпарат - «Газпромнефть» компаниясының Қазақстан Республикасы аумағындағы битум өнімдерін шығару және сату бойынша еншілес мекемесі «Газпромнефть - Битум Қазақстан» мекемесі Төлеби ауданында қоспаларды металл бөшкелерге құюдың жаңа автоматты желісін іске қосады, деп хабарлайды әкімнің баспасөз қызметі.

Бұл еліміз бен жақын мемлекеттердің жол-құрылыс компаниялары үшін ең қолайлы ыдыс. Бұл - Қазақстандағы битум зауытының технологиялық процесін жаңарту бағдарламасының маңызды кезеңі. Оның жүзеге асуы Қазақстан, Тәжікстан, Қырғызстан және басқа да елдердегі контрагенге деген сұранысты қамту үшін жылына 15 мың тонна өнімді құюға мүмкіндік береді.

«Газпром нефть» ОҚО-дағы битум өндіретін зауытты жаңғыртуда

Қазіргі таңда өндірістік алаңда нарықта қажет етілетін БНД 60/90 және 70/100 маркалы базалық битум шығарылады, олардың сапасы ресей мен қазақстандық стандарттарға сай келеді. Дайын өнімді жөнелту құйылған, сондай-ақ металл бөшкелерге орап-түйілген күйінде іске асырылады. «Газпром нефть» битумын қолдана отырып, Оңтүстік Қазақстан жолдарының үштен бірі, оның ішінде ірі жол жобасының - «БатысЕуропа - Батыс Қытай» трансқұрылықтық дәлізінің автомобиль жолдары салынды.

«Газпром нефть» ОҚО-дағы битум өндіретін зауытты жаңғыртуда

«Битумдық материалдардың жоғары сапасы мен логистикалық артықшылықтарына орай, «Газпром нефть» ЖШС-і жұмыс істеген 5 жыл ішінде Қазақстан нарығында танымал ойыншыға айналды. Өзіміздің Ресей алаңдарында битумдық материалдардың технологияларын әзірлеу мен өндіруде көпжылдық табысты тәжірибеге ие бола отырып, біз Қазақстанда активтерді тиімді басқару үшін үздік жетістіктерді белсенді қолданып келеміз. Жоғары сапалы битумды өндірумен қатар, орап-түю торабын дамыту бізге шалғай орналасуына қарамай, Қазақстан мен оған жақын орналасқан елдерде тұтынушыларды қамтамасыз етуге мүмкіндік береді», - дейді «Газпром нефть» ЖШС дирекциясының коммерциялық директоры Леван Кадагидзе.

«Газпром нефть» ОҚО-дағы битум өндіретін зауытты жаңғыртуда

Айта кету керек, зауыт өткен 2016 жылмен салыстырғанда, тәуліктік өнімділікті 30 пайызға ұлғайтып, оның көлемі 700 тонна тұтқыр затқа жетті. 2017 жылдың нәтижесі бойынша зауыт жұмысшылары 200 мың тонна битумдық материал өндіруді жоспарлап отыр. Ал Қазақстанда битумдық өнімді тұтынудың жыл сайынғы көлемі - 550-650 мың тоннаға жуық.

«Газпром нефть» ОҚО-дағы битум өндіретін зауытты жаңғыртуда

«Бұл Қазақстанда битумдық зауыттың технологиялық процестерін жаңғырту бағдарламасының маңызды кезеңі. Оны іске асыру Қазақстанда, Тәжікстанда, Қырғызстанда және басқа елдерде контрагенттерді қамтамасыз ету үшін жылына қосымша 15 мың тонна өнімді орап-түюді жүзеге асыруға мүмкіндік береді. Зауыттың географиялық орналасуы қазақ жол-құрылыс саласы үшін, сондай-ақ шетелдік тұтынушылар үшін битумдық материалдарды жөнелтуге мүмкіндік береді», - дейді ОҚО Кәсіпкерлік, индустриалды-инновациялық даму және туризм басқарма басшысының орынбасары Қанат Сыдықов.

«Газпром нефть» ОҚО-дағы битум өндіретін зауытты жаңғыртуда

 

 

Басты сөздер: Оңтүстік Қазақстан облысы, Өнеркәсіп,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер