Финляндияда көрермендердің үстіне үлкен құбыр құлады

АСТАНА. ҚазАқпарат - Похьянмаа аудандық полициясы Вааса қаласының мұз аренасында болған апатты тексеруге кірісті, деп хабарлайды ҚазАқпарат yle.fi сайтына сілтеме жасап. 

Жексенбі күні кешкісін рождестволық концерт кезінде желдеткіш құбыры мен жарық техникасының тірегі адамдардың үстіне құлаған.

«Ені 650 мм және ұзындығы 10 метр болатын желдеткіш құбыры белгісіз себеппен құлап кеткен, онымен бірге жарық техникасының тірегі де құлаған», деді өрт сөндіруші Ари Ринта-Яскари.

Оның айтуынша, оқиға салдарынан жеті адам жеңіл жарақат алған. Ғимараттың ішінде барлығы 3 100 адам болған.

STT ақпарат агенттігінің хабарлауынша, Апатты және оқиғаны тексеру орталығы болған оқиғаның мән-жайын анықтап жатыр.