«Евровидение 2018» байқауы өтетін қала анықталды

АСТАНА. ҚазАқпарат - Еуропалық хабар таратушы одақ Португалияның ұлттық телевизиясымен бірлесіп, 2018 жылы 63-ші «Евровидение» байқауы өтетін қаланы анықтады, деп хабарлайды Хабар 24 телеарнасы.

Келер жылы Лиссабон қаласында ұйымдастырылатын мәдени шараның кіріспе ролигі де жарияланды. Сондай-ақ жарыстың жартылай финал мен финал кезеңдерінің қашан өтетіні де белгілі болды.

Жартылай финал 8, 10 мамырда болса, байқау жеңімпазын 12 мамырда анықтайтын болады.

Португалия шараны ұйымдастыру құқығын «Евровидениеде» «Amar pelos dois» әнін орындаған Сальвадор Собраланың жеңісі арқылы иеленген болатын.